ევროპის საბჭოს კონვენცია კიბერდანაშაულის შესახებ

მიღებულ იქნა 2001 წ. 8 ნოემბერს. ძალაში შესვლის შემდეგ ეს კონვენცია იქნება პირველი საერთაშორისო ხელშეკრულება ინტერნეტით და სხვა კომპიუტერული ქსელებით ჩადენილი დანაშაულების შესახებ, კერძოდ კომპიუტერთან და ინტერნეტთან დაკავშირებულ დანაშაულთან ბავშვთა პორნოგრაფიის ჩათვლით. მისი მთავარი მიზანი არის საერთო კრიმინალური პოლიტიკის გატარება, რომელიც მიზნად ისახავს საზოგადოების დაცვას კიბერკრიმინალისაგან განსაკუთრებით სათანადო კანონმდებლობის შექმნის და საერთაშორისო თანამშრომლობის გაძლიერების გზით. კონვენციის მუხლი 9 ეძღვნება ინტერნეტის საშუალებით გავრცელებულ პედოფილიასთან და ბავშვთა პორნოგრაფიასთან ბრძოლას.

Source: ბრანდერი პატრიცია. კომპასი : სახელმძღვ. ადამიანის უფლებათა განათლ. სფეროში ახალგაზრდების მონაწილეობით / ავტ.: პატრიცია ბრანდერი, რუი გომესი, ელლი კინი და სხვ. ; [მთარგმნ.: მაკა წულუკიძე, ტატა პატარაია ; რედ.: პატრიცია ბრანდერი და სხვ., ქართ. გამოც. რედ.: გიორგი კენჭოშვილი] ; მხატვ.: პანჩო - [თბ.], 2004